Mazkur ilova beshta muhim tashabbus doirasida Alisher Navoiyning boy merosini o‘rganishni keng targ‘ib etish maqsadida ishlab chiqildi. Ilovada Alisher Navoiyning Xamsa asari, g’azal va dostonlari hamda ibratli so‘zlari o‘rin olgan.
Mobil ilova qulay va ko‘pfunksiyaligi bilan bir qator qulayliklarga ega. Har bir asar o‘qib bo‘lingach unga oid testdan o‘tish imkoniyati paydo bo‘ladi.
O‘qiyotganlarim bo‘limi o‘ziga xos xatchop vazifani o‘tab, u orqali o‘qish jarayoni to‘xtagan joyga qaytish mumkin.
Audiokitoblar — standart ko‘rinishidagi audio funksiyalarga ega kitoblarni ovozli eshitish. Har bir audio tagida uning matn ko‘rinishidagi tavsifi berilgan.
Sozlamalar bo‘limida interfeys tilini o‘zgartirish mumkin. Shuningdek, dasturni keshlash, hamda dark va light modeʼni tanlash funksiyalari mavjud.
Ilova Alisher Navoiy asarlari bilan yaqindan tanishish, alloma adabiy merosiga chuqur hurmat, o‘zbek milliy adabiyotini samarali raqamlashtirish maqsadini ko‘zlagan.